Oblys ortalyǵyndaǵy Oqýshylar saraıy ǵımaraty alańynda ótken «Jeńis valsi» atty merekelik baǵdarlamaǵa mektep oqýshylary,ata-analary, jastar, qala turǵyndary qatysty.
Soǵys jyldaryndaǵy «Katıýsha», «Sınıı platochek» sııaqty ánder shyrqaldy. Mýzykalyq koledj orkestri «Jeńis kúni» valsin oryndady. Saraıdyń «Vdohnovenıe», «Anastasııa», «Bleız» sııaqty bı stýdııalarynyń bıshi qyzdary men qaladaǵy Kadet áskerı mektep-ınternatynyń tárbıelenýshileri vals bıledi.
Merekeniń uıymdastyrýshysy Marına Bılaıadyń aıtýynsha, bizdiń óńirden de osydan 70 jyldaı ýaqyt buryn 46 myńnan astam jaýynger soǵysqa attansa, olardyń 22 myńnan astamy maıdan dalasynan oralmaǵan kórinedi. Árbir otbasynyń jan-jarasy, estelikteri bar. Soǵys jyldarynyń áýenderi men bıleri eshqashan umytylmaıdy. О́ıtkeni, ony eske alýshy bizder barmyz,-deıdi. Áýendi vals bılerinen soń, alańaǵ shyqqan saraıdyń «Jas daýren», «Arman shoý», «Debıýt», «Aıdar-aı!» án toptary «Ana týraly ballada», «Álııa» ánderin oryndady.
Farıda Byqaı,
«Egemen Qazaqstan»
Pavlodar